2019-03-26
Albisteak
Elkarbanatu:
Klika egitea hautu bat da, euskararen aldeko hautua: mintzatzea, ikastea, jauzia ematea… Helburu horiekin aurkeztu dute 2019ko Korrika, “Klika” leloarekin. Hurrengo egunotan gure hiri, herri eta auzoetan barrena, hamar egunez, modu nekaezinean arituko den euskararen aldeko martxa.
Korrika, bi urterik behin, euskaren alde burutzen den lasterketa erraldoia da. Lasterketa honek hamar eguneko iraupena du. Bai! Ondo irakurri duzu hamar egun korrika! Baina lasai, ez duzu bide osoa zuk zeuk egin behar. Korrikan, euskararen beste arlo askotan gertatzen den bezala, ehunka, milaka euskaldunon laguntza izango duzu. Gutariko bakoitzak guztion izenean Korrikaren zatitxo bat burutuko du eta guztion artean ehunka kilometro egingo dugu korrika.
21. Korrika dugu aurtengoa, Gares (Nafarroa) izango du abiapuntu eta Gasteiz (Araba) helmuga. Apirilaren 4an hasiko da eta 14an bukatu. Tarte horretan, milaka euskaldunon artean ehunka kilometro ibiliko gara korrika. Batak besteari lekukoa pasatuz, euskarari bidea zabalduz.
1980. urtetik ospatzen da Korrika. Lehenean, “Zuk ere esan bai euskarari” lelopean, Oñatitik Bilborako bidea egin zen.
Korrika bakoitzeko abesti bat eta bideoklip bat sortzen dira. Urte hauetan guztietan zehar maila handiko musikari euskaldunek lagundu dute euskararen aldeko ekitaldi erraldoi hau musikaz hornitzen: Xabier Amuriza, Egan, Oskorri, Tapia eta Leturia, Kepa Junkera, Gozategi, Joxe Ripiau, Fermin Muguruza, Mikel Laboa, Ruper Ordorika, Gose, Betagarri, Esne Beltza…
Hauxe da aurtengo Korrikaren bideoklipa:
Korrika bakoitzean euskaltzale bat omendu izan da. Euskarari edo euskal kulturari egindako ekarpena nabarmentzeko: Xabier Peña, Rikardo Arregi, Piarres Lafitte, Jose Migel Barandiaran, Martin Ugalde, Mikel Laboa, Ez Dok Amairu, euskararen transmisioa ahalbidetu duten familiak… eta 21. edizio honetan Txillardegi omenduko dute.
Korrikan parte hartzea oso erraza da. Lau modu daude:
Hemen ere utziko dizugu mapa:
Eta gogoratu, posiblea da klika aldatzea, elkarren artean konektatzea, praktikatzea, euskara bizitzea eta gozatzea:
Blogera itzuliElkarbanatu:
Erlazionatutako beste bidalketa batzuk