Ingelesa ikastea bai&by-n: ba al dakizu nola funtzionatzen duten gure ingelera-mailek?

2018-05-29

Ikasi euskara, Ikasi hizkuntzak

euskara ikastea, ingelesa ikastea

Elkarbanatu:

Zuetako askok, bai&by zentroetara ingelesa ikasteko asmoz etortzen zaretenean, gure sistema adimendunaren mailen baliokidetasuna jakin nahi izaten duzue. Horregatik, blogean partekatzeko gai interesgarria dela iruditu zaigu.

Ondo dakizuenez, ingelesa ikasteko asmoz gure zentroetara etortzen zaretenean, gure sistema adimendunaren funtzionamenduaren berri ematen dizuegu, modu pertsonalizatuan, eta, era berean, bai&by-ko mailen antolaketa azaltzen dizuegu. Gainera, zuen ikaskuntza-prozesua hobetzeko aholkuak ematen dizkizuegu eta ingelera-maila zehazteko gure proba egokigarria egitea proposatu.

Blogean lehenago ere azaldu dugunez, maila zehazteko proba urrats oso garrantzitsua da; izan ere, gaur egun duzuen ingelera-maila eta sendotu beharreko alderdiak zehatz-mehatz diagnostikatzeko aukera ematen du.

Mailaketa-proba bukatzean izaten duzue lehen harremana bai&by-n erabiltzen ditugun mailekin, eta, halaber, lehenengoz ikusten duzue zeuen burua grafikoan 😉

Baliokidetza mailak bai&by

Badakizue bai&by-ren mailaketa-proba gure webaren bidez egin dezakezuela, ez duzuela zentrora etorri beharrik. Kasu horretan, garrantzitsua da Hizkuntzetarako Europako Erreferentzia Marko Bateratuaren (EEMB) arabera bai&by-ren mailen baliokideak zeintzuk diren jakitea.

Hizkuntzetarako Europako Erreferentzia Marko Bateratua

Hizkuntzetarako Europako Erreferentzia Marko Bateratua estandar europarra da, eta hizkuntza jakin batean dugun ulermen-maila neurtzeko erabiltzen da. #HizkuntzakIkastea

Hizkuntzetarako Europako Marko Esparru Bateratua: ikaskuntza, irakaskuntza, ebaluazioa (CEFR ingelesez). Wikipediak dioenez, atzerriko hizkuntza batean ikasleak ahoz eta idatziz duen ulermen- eta adierazmen-maila neurtzeko balio duen estandar europarra da.

Hizkuntza baten gaineko ezagutza baloratzeko hiru maila finkatzen ditu:

A: oinarrizko erabiltzailea
B: erabiltzaile independentea
C: erabiltzaile gaitua

Maila horietako bakoitzak bi azpimaila ditu, taulan ikusten denez:

Maila	Azalpena
A1 (Breakthrough)	Egunerokoak eta oso erabiliak diren esapideak ulertu eta erabiltzeko gai da; berehalako beharrei erantzutea xede duten esaldi errazak ere ulertu eta erabiltzeko gai da.
A2 (Waystage)	Berarentzat garrantzitsuak diren esperientzia-alorrekin lotura duten eta sarri erabiltzen diren esaldi eta esapideak ulertzeko gai da (oinarrizko informazioa norberari eta familiari buruz, erosketak, leku interesgarriak, lanbideak, etab.).
B1 (Threshold)	Hizkuntza estandarra darabilten testu argien alderdi nagusiak ulertzen ditu, gaia ezaguna badu, laneko, ikasketetako edo aisialdiko egoeretan.
B2 (Vantage)	Gai zehatzei edo abstraktuei buruzko testu konplexuetan ideia nagusiak ulertzen ditu, baita testu teknikoak badira ere, betiere bere espezializazio eremukoak badira.
C1 (Effective Operational Proficiency)	Nolabaiteko zailtasuna duten testu luzeak eta askotarikoak ulertzeko gai da, eta esanahi inplizituez ere jabetzen da.
C2 (Mastery)	Entzuten edo irakurtzen duen ia guztia erraz ulertzeko gai da.

Dena den, bai&by-n 30 maila finkatu ditugu, erabiltzaile bakoitzaren ezagutzetara zehatzago egokitze aldera; izan ere, B2 mailaren barruan ezagutza apala duen ikasle bati eta ia-ia C1era iristen denari ezin diegu emaitza bera eskatu.

bai&by-n 30 maila ditugu, eta horien bidez Hizkuntzetarako Europako Marko Esparru Bateratuaren C1 azpimultzora iritsi ahal izango zara. Gure maila guztiak bat datoz Erreferentzia Markoaren eskakizunekin.

bai&by-ren ingelera mailen baliokideak EEMB eta Hizkuntza-profiletan

Ingelesaren kasuan, gainera, garrantzitsua da TRINITY Graded Examinations in Spoken English (GESE) eta CAMBRIDGE EXAMINATIONS azterketetarako mailekin alderatzea:

Baliokidetzak bai&by ingelera

Orain badakizu zeintzuk diren bai&by-ren mailen baliokideak EEMB-n; beraz, maila zehazteko bai&by-ren proba egokigarria egin dezakezu doan gure web-orrian eta zure ingelera-maila zein den jakingo duzu.

Cambridgeko eta Trinityko azterketetarako zentro prestatzaileak garenez, titulu horien ziurtagiriak bai&by-rekin eskura ditzakezu.

Eta kontatu dizugunak jakin-mina piztu badizu eta gure sistema adimenduna ezagutu nahi baduzu, eman izena erabat doakoa den 7 eguneko ikastaroa egiteko, inolako konpromisorik gabe.

Bigarren hizkuntza bat ikasten hainbeste ordu ematen ditugunez, ez al zaizu iruditzen merezi duela zerbait berria probatzea? Merkatuko sistema adimendun bakarra, adibidez? 😉

Blogera itzuli

Elkarbanatu: