Ingelesa eta euskara ikasteko gure metodo adimendunari buruz maiz egiten diren galderak.

Zer hizkuntza ikas ditzaket bai&by metodoarekin?: Bi hizkuntzatan espezializatu gara gure ibilbidean: euskaran eta ingelesean. Gure material didaktikoaren kalitatea eta etengabeko hobekuntza lehenetsi ditugu; horregatik jarri dugu indarra aipaturiko bi hizkuntzetan, adituak baikara horietan.
Gidatua al da ikasteko metodoa?: Bai, guztiz gidatua. Hain zuzen ere, bai&by metodoak gainerako online metodologien aldean dituen bereizgarri nagusietako bat hauxe da: ikasleek, tutore pertsonala ez ezik, irakasle birtuala ere badute, DDK sistema adimendunari esker, zer landu behar duten une oro jakiteko.
Inoiz ez dut euskara edo ingelesa ikasi. Egokia ote da niretzat bai&by metodoa?: Bai. Hain zuzen ere, bai&by metodoa guztiz pertsonalizatua da, ikasle bakoitzaren beharretara egokitzen da. Orain arte irakasle batekin ikasi baduzu, bai&by-n gauza bera egingo duzu, baina irakasle birtual batekin. Berak zure ikasketa-prozesuaren informazio guztia prozesatu eta aztertuko du, gehien kostatzen zaizkizun edukiak indartzeko. Guztiz gidaturiko ikasketa da. Zure irakasle birtualari gida zaitzan utzi behar diozu, besterik ez. Gainera, erabakia hartu aurretik, astebetez proba dezakezu, inolako konpromisorik gabe eta guztiz doan.
Zer adinetatik aurrera ikas dezaket bai&by-n?: Gure sistema helduentzat diseinatu da (16 urtetik aurrera). Hala ere, azken bi ikasturteetan, hainbat nerabe ari dira ingelesa ikasten bai&by-n. Haietako askok euskara oinarri hartuta ingelesa ikasteko bertsio berria erabiltzen dute (haien ama-hizkuntza euskara dutenek).
Haur eta helduentzako ingeles eta euskara eskolak berdin eskaintzen ditugu?: bai&by metodologia helduentzako hizkuntzen ikaskuntzan espezializatuta dago.; Hala ere, ikasteko prozesua eta egokitzeko gaitasuna desberdinak direnez pertsona guztiengan, eskolekin egindako proiektuak ere baditugu (14-18 urte), eta horietan gure metodoak emaitza oso ona eman du, ikasleei xede-hizkuntzan duten oinarria indartzen lagunduz. Zure edo zure seme edo alabaren kasua hori dela uste baduzu, jarri harremanetan bai&by-rekin eta kasua arretaz aztertuko dugu. Gainera, erabaki aurretik, konpromisorik gabe probatzeko aukera izango duzu.
Zerk bereizten du bai&by metodoa hizkuntzak online ikasteko beste metodo batzuetatik?: Sistema adimendunak. Adimen artifiziala erabiltzen duen merkatuko software bakarra da. Adimen artifizialari esker, ikasle bakoitzak modu desberdin batean beregana ditzake hizkuntzak ikasteko beharrezko edukiak. bai&by metodoa guztiz pertsonalizatua da. Kontuz, ez zaitzatela nahas! Sistema adimendunik ezean, sistema hori ez da zure beharretara egokituko.
Zer alde dago bai&by eta Euskal Herriko beste hizkuntza-akademien artean?: bai&by taldeak gaitasun handiko profesional talde bat du zure esanetara, eta hizkuntzak ikasteko merkatuan bakarra den teknologia aditua: irakasleak, aholkuak ematen dizkizuten eta zure ikaskuntza-prozesuaren jarraipena egiten duten pertsonak, informatikariak eta programatzaileak, zerbitzu teknikoa…; Gainera, astean 3 orduko batez besteko ikasketari eutsiz, zure helburua lortuko duzula bermatzen dizugu, behar duzun denbora kontuan hartu gabe eta horrek kostu gehigarririk ekarri gabe.; Informa zaitez bai&by metodo adimendunari buruz.
Ba al dute bertako irakaslerik bai&by-n benetako murgiltze linguistikoa bermatzeko?: bai&by-n ingeles zein euskarazko jatorrizko irakasleak ditugu. Gure edozein irakaslek bere onena emango du zure ikaskuntza-prozesua aberasteko eta zeure buruari ezarritako helburuak lortzen laguntzeko.
Ingeles eta euskarazko online eskolak ematen dira bai&by-n, edo aurrez aurre bakarrik daude eskuragarri?: Bai, bai&by-n ingeles eta euskarazko online eskolak ematen ditugu, baina ez gara horretara mugatzen:; bai&by metodologiarekin lagunduta egongo zara une oro. Irakasle Birtualak nahieran ikasteko prozesu bat diseinatuko du, zure beharretara, ezagutzetara eta ikasketa-erritmora egokituko dena. Irakasle Birtualaz gain, hizkuntzak ikasten ari diren pertsonen beharretara egokitutako online ikaskuntzarako plataforma bat dugu. Beraz, merkatuko hizkuntzak ikasteko online sistemarik onena izango duzu, eta bai&by-n lan egiten dugun pertsona guztien babesa ere izango duzu.
bai&by-k ingelesa eta euskara ikasteko banakako eskolak eskaintzen ditu edo taldekakoak bakarrik?: Irakasle Birtualarekiko saioez gain, bai&by-k bakarkako eta taldeko elkarrizketa-eskolak eskaintzen ditu.
Zein da bai&by eskola baten ohiko iraupena eta zenbat ikasketa ordu gomendatzen dira aurrerapen optimo baterako?: Astean 3 orduko batez besteko ikasketari eutsiz, zure helburua lortuko duzula bermatzen dizugu.; Irakasle Birtualarekin egiten diren ikasketa saioen iraupena zuk markatzen duzu, baina astean gutxienez 3 ordukoak izatea komeni da. Taldeko elkarrizketa-eskolak ordubetekoak dira, eta tutoretzak eta banakako eskolak 20 minutukoak. Ordutegia, zuk ezartzen duzu.
Zein dira bai&by-k ingeles eta euskara ikasleen aurrerapenaren jarraipena egiteko erabiltzen dituen ebaluazio-metodoak?: bai&by-n zure lau hizkuntza-gaitasunak ebaluatzen ditugu: ahozko eta idatzizko ulermena eta ahozko eta idatzizko adierazpena. Gure ikasleen ikasketa-prozesuaren ebaluazioa etengabea da, eta honako fase hauek ditu:; Lau hizkuntza-trebetasunen aurretiazko ebaluazioa edo hasierako diagnostikoa: ikasturtearen hasieran, ikasle guztiei beren ezagutzen hasierako diagnostikoa egingo zaie, bai&by mailako proba esklusiboaren bidez.; Etengabeko ebaluazioa: hainbat modutan egiten da azterketa-prozesu osoan zehar (plataforma adimenduna, elkarrizketa-eskolak, aholkularitza didaktikoa edo tutoretzak).; Lau hizkuntza-gaitasunen azken ebaluazioa: amaierako ebaluazioa ikasturtea amaitzean egiten da, eta tutoreen eskumena da, lortutako emaitzak eta pertsona bakoitzak jarraitu duen ikaskuntza-prozesua baloratzen baitituzte.; Autoebaluazioa: ikasleek autoebaluaziorako sei modulu dituzte ikasteko plataforman, haien autonomia indartzeko, ikasleak beren aurrerapenaz jabetu daitezen.
Maila bat amaitu behar al dut beste maila batera pasatzeko?: Hori da. Hori funtsezkoa da aurrera egiteko eta oinarri sendoa lortzeko. Gure irakasle birtualak egiaztatu behar du ikasleak maila bateko eduki guztiak bereganatu dituela, hurrengo mailara igaro aurretik.
Ez dut Internetik. Zer egin dezaket?: bai&by-k online zein offline ikasteko aukera eskaintzen dizu. Beraz, Interneterako sarbiderik ez baduzu ere, arazorik gabe ikasi ahal izango duzu.
HABEk homologaturik al daude euskara-ikastaroak?: Bai, noski. HABEk homologaturiko zentroa gara; horregatik, gure ikasleek euskarazko A1, A2 eta B1 azterketak egin ditzakete bai&by zentroetan.
Aurkeztu al naiteke Cambridge azterketetan, bai&byn ikasten badut?: Horixe baietz! Gainera, Cambridge eta Trinity azterketak prestatzeko zentroa da bai&by. Horregatik, azterketa horiek gure zentroetan egin ditzakezu.
Zein ziurtagiri-maila eskaintzen dute bai&by-n ingeles eta euskara ikastaroak osatzen dituzten ikasleentzat?: bai&by-n ingeles eta euskara ikastaroak eskaintzen ditugu, A1 mailatik C1 mailaraino. Cambridgeko Preparation Centre gara, eta HABEk homologatutako zentroa. Irakasle Birtualaz eta taldeko online eskolez gain, ingelesezko B2 (First) eta C1 (Advanced) ikastaroetarako berariazko ikastaroak eskaintzen ditugu, azterketarako prestatzeko. Euskarari dagokionez, A1 eta A2 mailak bai&by-n egiazta ditzakezu eta gainerako azterketetarako prestatzen zaitugu, HABEren deialdietan egiaztatu beharko dituzunak.
Ikastaro bat amaitutakoan, lortuko al dut ziurtagiririk?: Bai. Ikasleak bai&by ikastaro bat gainditzen duenean, egindako maila egiaztatzen duen ziurtagiri bat lortzen du (A1, A2, B1, B2 eta C1). HABEk homologaturiko zentroa gara; horregatik, euskarazko A1, A2 eta B1 azterketak bai&by-n egingo dituzu. Ingelesean ere, Cambridge Preparation Centre garenez, bai&by zentroetan egin ditzakezu azterketak.
Nola matrikula naiteke bai&by metodoan?: Oso erraza da, edonoiz matrikula zaitezke, gure zentroetan, telefonoz edo webgunearen bidez jar zaitezke gurekin harremanetan.
Nola has naiteke bai&by-n ikasten?: Oso erraza da. Zure gako pertsonalarekin sartu eta utzi irakasle birtualari gidatzen, berak esango baitizu une oro zer landu behar duzun.
Ba al dago matrikulatzeko eperik, ala urteko edozein egunetan has naiteke?: bai&byn edonoiz matrikulatu ahal zara. Ikastaro pertsonalizatuak dira, norberaren neurrirakoak. Horregatik, ikasle bakoitzak erabakitzen du noiz matrikulatu eta zer egunetan hasi nahi duen ikasten.
Zalantzak baditut, norengana jo dezaket?: Hizkuntzen irakaskuntzako hainbat profesional izango dituzu laguntzeko prest: tutoreak, irakasleak, Ikaslearentzako Arreta Departamentua, zerbitzu teknikoa eta abar. Gure zentroan aurkituko gaituzu, eta telefonoaren edo posta elektronikoaren bidez jarri ahal izango zara gurekin harremanetan, 08:00etatik 21:30era.
Nola eskatu behar ditut elkarrizketa-klaseak?: Zentroan bertan eska ditzakezu, klasearen ondoren, edo bestela telefonoz.
Nola ordaintzen da ikastaroa bai&by-n?: Ikastaroa hileko kuota erosoetan ordaintzeko aukera eskaintzen dizu bai&byk, interesik gabe.
Zeintzuk dira ingeles eta euskara eskoletarako bai&by-n eskuragarri dauden prezioak eta ordainketa-planak?: bai&by-n prezio itxiekin lan egiten dugu. Metodologia erabat pertsonalizatua denez, zure ikastaroaren prezioa zure abiapuntuaren eta lortu nahi duzun helburuaren araberakoa izango da. Hasieratik jakin dezakezu zer inbertsio ekarriko duen zure helburua arrakastaz burutzeak mailaketa-proba amaitu ondoren. Garrantzitsua da jakitea bai&by-n matrikulatzen zarenean, beste hizkuntza-zentro batzuetan ez bezala, helburutzat duzun mailaren arabera egiten duzula, ez denboraren arabera. Horrek esan nahi du, adibidez, aurkeztu nahi duzun oposizioak eskatzen duelako B2 mailara iristeko euskara ikasi nahi baduzu, bai&by-k bermatzen dizula metodo adimendunarekin zure helburua lortuko duzula.