bai&by-k eta Bizkaiko Gizarte Langintzaren Elkargo Ofizialak bat egin dute elkargoko kideen artean euskarako eta ingeleseko formakuntza sustatzeko

2025-04-08

Albisteak

bai&by Fundazioa, euskara, euskara ikastea, ingelesa, ingelesa ikastea

Elkarbanatu:

bai&by-k eta Bizkaiko Gizarte Langintzaren Elkargo Ofizialak elkarlan-hitzarmen bat sinatu dute 2025-2026 aldirako, elkargoko kideei hizkuntza-formazioa eskaintzea helburu hartuta. Hitzarmen horri esker, gizarte-langintzako profesionalek beren euskarako eta ingeleseko gaitasun linguistikoak baldintza berezietan hobetu ahal izango dituzte, bai&by-ren metodo berritzailea baliatuz, alegia.

Neurrirako ikaskuntza-metodoa

bai&by-k merkatuan bakarra den metodologia eskaintzen du, eta adimen artifiziala eta pertsonalizazioa uztartuz, pertsona bakoitzari berari espresuki egokitutako ikaskuntza-estrategiak diseinatzen dizkio. Irakasle Birtualari esker, ikasleek beren erritmoan ikasi ahalko dute, haien maila eta beharretara moldatutako materialen bidez. Gainera, tutoretzak eta taldeko zein bakarkako mintza-eskolak ere izango dituzte eskura, eta eskolak online direnez, edozein tokitatik erraz-erraz egin ahalko dituzte.

Elkargoko kideentzako deskontu esklusiboak

bai&by-k eta Bizkaiko Gizarte Langintzaren Elkargo Ofizialak sinatutako elkarlan-hitzarmenak euskara eta ingelesa abantaila bereziekin ikasteko aukera emango die talde profesional horretako kideei. Interesa duten pertsonei zuzenean bai&by-rekin harremanetan jartzea gomendatzen diegu, hala, formakuntza-programei, metodologiari edo baldintzei buruzko informazioa xehea lortzeko.

bai&by-ren eta Bizkaiko Gizarte Langintzaren Elkargo Ofizialaren arteko elkarlan honek argi erakusten du Elkargoak formakuntza jarraituarekiko konpromiso sendoa duela, elkargoko kideei beren gaitasun linguistikoak hobetzeko aukera paregabea ematen baitie bai&by-ren metodo eraginkor, malgu eta beharretara egokitua baliatuz.

Blogera itzuli

Elkarbanatu: