2018-07-24
Albisteak, Ikasi euskara
Elkarbanatu:
Euskaraz hitz egiten badakizu? Hitz egiten jakin ez arren, ulertzen duzu? Bada, geure artean euskaraz egiteko gaitasuna daukagu. Zergatik ez saiatu?
Azaroaren 23tik abenduaren 3ra euskara hutsean bizitzeko, hizkuntza-ohiturak astintzeko eta geure artean euskara gehiago egin eta entzuteko ekimena da Euskaraldia. Data horien artean euskaraz berba egiteko edo euskara ulertzeko gaitasuna daukagunon artean burutu nahi dugun ariketa praktikoa da. Konturatuko zinen zenbatetan egiten dugun gaztelaniaz edo frantzesez geure artean, nahiz eta sarritan elkarrizketan parte-hartzen dugun gehienok euskaraz jakin. Inertziak bultzatuta egiten dugun zerbait da, eta inertzia horiekin guztiekin apurtzeko aurkezten da Euskaraldia:
Bakoitzak bere inguruan, ohiko harremanetan, euskara hutsean bizitzeko ariketa praktikoa egiteko prest zaude?
Ziur gaude emaitzek harrituko zaituztena 😉
Bi rol prestatu dira Euskaraldiaren egunerokotasunerako, “ahobizi” eta “belarriprest”:
Rol hauetako edozeinetan izena emateko Euskaraldiako webgunera jo behar duzu. Hemen daukazu “ahobizi” izateko informazio lotura, eta beste honetan “belarriprest” izateko informazioa.
Edonor, beti ere, 16 urte baino gehiago badituzu eta… euskaraz ongi moldatzen bazara eta hamaika egunetan euskaraz ulertzen duen edonorrekin euskaraz berba egiteko konpromisoa hartu nahi baduzu. Edo, euskaraz erdizka moldatzen bazara, baina esfortzu txiki hau egiteko zeure burua prest ikusten duzu. Ariketa praktiko ederra izango da bai&by-ko ikasle guztiontzat 😉
“Belarripresten” kasuan ere 16 urte baino gehiago izan behar dira. Euskaraz ongi moldatzen zara, baina gehienekin erdaraz egiten duzu eta zeure burua ez duzu euskara hutsean aritzeko prest ikusten. Edo euskaraz hitz egiten badakizu, baina ausartzen ez bazara. Edota euskaraz berba egiteko gai sentitzen ez bazara.
Ados, baina… zein herritan burutuko da Euskaraldia. Hona hemen mapa:
Bukatzeko, ez genuke blog bidalketa hau bukatu nahi euskaldun guztiak, bereziki geure ikasleak, ariketa praktiko paregabe honetan izena ematera animatu gabe.
Badakizu, gurekin euskarak 365 egun!
Blogera itzuliElkarbanatu:
Erlazionatutako beste bidalketa batzuk