Euskarazko hiztegia ikasteko teknikarik onenak

2023-01-17

Ikasi euskara

euskarazko hiztegia ikasteko jokoak, hiztegia buruz ikasteko teknikak, hiztegia ikasi, ikasi hitzak euskaraz

Elkarbanatu:

Urtarrilaren erdialdean gaudela aprobetxatuko dugu euskarazko hiztegia ikasteko teknikak gureganatzeko. Izan ere, jakina da urtarrila energiaz eta aparteko motibazioz beteta hasi genuela, urte berriari begira erronka berriei aurre egiteko asmoz. Hala ere, asmo on horiek, batzuetan, hondartzako baloi baten abiaduran husten dira. Ingelesa edo euskara bai&by-n ikasten duten pertsona guztiek dakiten bezala, gure nahirik handienetako bat zuen ikaskuntza-prozesuan lagungarri izango zaizuen motibazio gehigarria eskaintzea da.

Gaurko honetan, hiztegiari erreparatuko diogu. Hiztegia ikasteko teknikak eskuratzeari, hain zuzen ere.

Nola ikasi hiztegia euskaraz?

Zentzu horretan esan behar dugun lehenengo gauza da errepikapena oso garrantzitsua dela hizkuntza bat eskuratzeko momentuan. Garrantzitsua da hitzak erabiltzen diren testuinguruen barruan kokatzea, egoeran jarri eta unea iristen denean berreskuratu ahal izateko aukera izango duzulako. bai&by sistema adimendunak oso ondo daki hori; hori dela eta, zure egunerokoan behin baino gehiagotan aurkituko dituzun benetako egoerekin lan egiten dugu.

Hori esanda, egia da hiztegia lortzea eta ikastea ere garrantzitsua dela, horregatik askotan hainbat gairen inguruko euskarazko hiztegia ekarri dizuegu. Bloga jarraitu edo gure newsletterrera harpidetuta zaudetenok ondo dakizue hori.

Baina… nola ikasi hiztegia? Bada, hona hemen lau gomendio:

  1. Testuingurua sortu: aurreko paragrafoan aurreratu dizugu, baina berriz aipatzeko bezain garrantzitsua da. Hizkuntzan murgilduta zaudenean, erraza da motibatzeko eta ikasitakoa lantzeko testuingurua lortzea. Hala ere, beste modu batzuetan ere landu dezakezu. Adibidez, euskarazko aldizkariak edo liburuak irakurriz eta filmak ikusiz.
  2. Bilatu hitz berriak ezagutzen lagunduko dizuten osagarriak: aurreko batean, zure euskarazko hiztegia aberasteko joko berriak biltzen zituen artikulu bat argitaratu genuen. Joko hauek, zure ikasketa prozesuaren osagarri bikainak direlako ekarri genituen hona. Aprobetxa itzazu ahal duzun guztietan.
  3. Bihurtu interaktibo: ez zaitez mugatu gauzak buruz ikastera, idatzi ere egin behar dituzu, entzun, ozenki esan… esaldien sonoritatea eta melodia zure egin ditzazun.
  4. Hasi zure egunerokoan baliagarriak diren hitzekin: euskarazko hiztegia ikasteko azken aholku gisa, gomendatzen dizugu zure egunerokoan gehien erabiltzen dituzun hitzekin hastea. Adibidez, lanean edo eskolan erabiltzen dituzunak.

Aholku horiek lagungarriak izango zaizkizu zure egunerokoan txertatzen badituzu. Eta gogoratu euskara ikasteko modurik onena gure irakasle birtuala ezagutzea eta bai&by metodoak nola funtzionatzen duen ulertzea dela. Badakizu zure esanetara gaituzula nahi duzun edozertarako.

Blogera itzuli

Elkarbanatu:

Onlineyu!

Cambridge-ren First eta Advanced eta HABEren maila guztiak.

Cambridge eta HABE prestatzeko ikastaroak DOAN matrikularekin. Eta gainera, 1.200 €rainoko bekak lor ditzakezu. Kontsulta iezaguzu.

Jarri gurekin harremanetan orain