Lan munduan euskaraz aritzearen onurak

2021-05-06

Ikasi euskara

hizkuntzak, hizkuntzak enpresentzat, Ikasi euskara

Elkarbanatu:

Azken urteotan asko hitz egin da Euskara planen inguruan, berauek bai udal zein enpresa mailan erabili daitezke ingurugiro geroz eta euskaldunago batean geure burua txertatzeko, baina profesional gisa hazteko eta erronka berriei aurre egiteko aukera ere eskaintzen digute. Zein onura ekarriko dio euskarak enpresari? Zergatik sustatu beharko genuke euskara lan munduan? Eta zuri, profesional gisa, zein ekarpen egin diezazuke euskarak lan arloan?

Galdera hauetako bakoitzak hitz&tips bideo bana osatzeko aukera ematen badute ere, gaurko honetan argazki orokor bat egitea da gure asmoa:

Gaur egungo testuinguru gero eta euskaldunagoan, enpresaren identifikazioa eta barne-kohesioa handitzen lagunduko dizu euskarak.
Testuinguru horretan, errotuta egoteko aukera eskaintzen dizu.
Bezeroak gogobetetzeko eta hobeto artatzeko aukera eskaintzen dizu. Euskararen presentzia geroz eta nabarmenagoa da lan munduan ere eta euskaraz arituz gero, balio erantsia emango diozu.
Euskaraz trebatzen den, edo trebatzen ari den, edozeinek, izan enpresa edo norbanakoa, aldaketarako gaitasuna erakusten du eta horrek lehiakorragoa izaten lagunduko dizu.
Gaur egun, hainbat lanpostuk euskararen exijentzia daukate. Euskaraz trebatuta egonik, lanpostu horietara zeure burua aurkezteko ateak zabalduko zaizkizu.
Euskararen mugetatik kanpoko merkatuetan ere, bereizle garrantzitsua da euskara. Lehenik eta behin, kalitatearen adierazgarria delako, baina, era berean, globalizazioaren zurrunbilo honen erdian, euskara nortasun seinale delako.

Maila laboralean, euskara sustatzeko edo errotzeko bidean pausuak emateko prest bazaude, fase desberdinetatik pasatu beharko duzu. Baina helburua argi izan behar duzu beti; identifikazioa, errotuta egotea, bezeroen gogobetetzea, aldaketarako gaitasuna, lan-mundu berri bateko ateak zabaltzea eta integrazioa. Kontuan izan, geroz eta euskal hiztun gehiago gara eta euskaraz ari garen enpresak ere geroz eta gehiago gara.

Beraz, euskararen presentzia areagotu nahi baduzu, enpresen eskakizunetan eta euskal kulturan integratzeko estrategia bat martxan jartzeko adorea aurkitzeko, ez dago nork bere buruari helburu identifikagarriak ezartzea bezalakorik. Helburu horiek zeure egiten badituzu, euskara ikasteko eta erabiltzeko pizgarriak izango zaizkizu.

Eduki hauetan gehiago sakontzea nahi duzu? Jarrai gaitzazu etorkizunerako prest ditugun bideoekin euskaraz bustitzeko.

Blogera itzuli

Elkarbanatu: