Galdu zaitez naturan, baina aurkitu zeure burua basoan

2021-05-18

Ikasi euskara, Ikasi ingelesa

euskara ikasteko aholkuak, hiztegia, ingelesa ikasteko aholkuak

Elkarbanatu:

Eguraldi ona iritsi denez, une egokia da euskara edo ingelesa praktikan jartzeko. Ez, ez gara erotu (oraingoz behintzat), aukera aprobetxatu nahi dugu inguruko basoetan aurki dezakegun landareen hiztegia errepasatzeko. Basoak, egia esan, irakasle betierekoak dira, urte osoan zehar haiengandik zerbait ikasteko aukera eskaintzen digute. Hazi egiten dira, loratu, eboluzionatu, hil… baina zuk oraindik ez duzu galdera erantzuten asmatu, nola goza dezaket basoaz? Utziguzu ugariak diren erantzunetako bat ematen.

Basoaz gozatzeko modu asko daude, baina ohikoena paseatzea da. Bada, aprobetxa dezagun ibilaldi hori plus bat gehitzeko: inguruan daukaguna identifikatzen ikastea.

Benetako esploratzaile bat bezala sentituko zara.

Identifikatu eta ezagutu inguruetako basoetan aurkituko dituzun landareak

Sei habitat motatan zentratuko gara eta horietako bakoitzaren bi adibide nabarmenenak ekarriko dizkizugu. Ikusten duzunez, erraz hasiko da ibilaldi hau, baina, azkenean, hiztegi labur honetan sakontzen lagunduko dizun gomendio bat ere aurkituko duzu.

Prest dituzu lupa, papera eta arkatza?

Harizti, oak grove (robledal)

Gure inguruko habitat ohikoenetako bat da, eta fauna eta flora ugari aurki ditzakezu bertan.

Euskaraz	Ingelesez	Latinez
Haritz kanduduna	Common oak	Quercus robur
Astigarra	Maple	Acer campestre

Pagadi, Beechwood (hayedo)

Pagadia gure inguruan aurkitzen erraza den beste baso bat da eta naturarentzat garrantzitsua den landareak aurkituko dituzu, adibide gisa proposatzen dizugun hauek bezalakoak.

Euskaraz	Ingelesez	Latinez
Pagoa	Beech	Fagus sylvatica
Gorostia	Holly	Ilex aquifolium

Artadi, Holm oak wood (encinar)

Habitat hau benetan berezia da, eta ez ditu kilometro karratu asko gure inuguran. Baina nork daki, agian ondo-ondoan artadi bat duen horietakoa zara.

Euskaraz	Ingelesez	Latinez
Artea	Holm oak	Quercus ilex subsp. ilex
Iparraldeko elorri zuria	Common hawthorn	Crataegus monogyna

Amezti, Pyrenean oak wood (melojal)

Habitat honentzako klimarik egokiena hegoaldean dago, gure kasuan, Araban. Aprobetxa ezazu hain espezie “exotiko” horien bila hasteko, arabarra izatearen abantailak.

Euskaraz	Ingelesez	Latinez
Ametza	Pyrenean oak	Quercus pyrenaica
Ainar arrunta	Heather	Calluna vulgaris

Haltzadi, Alder grove (alisar)

Euskal basoetan barrena egiten ari garen ibililalditxo hau bukatzen joateko, ibaietako bazterretan aurkituko duzu habitat hau. Guztiok gozatzeko moduko adibide bi.

Euskaraz	Ingelesez	Latinez
Haltza	Alder	Alnus glutinosa
Hurritza	Hazel	Corylus avellana

Eta esaguzu, ezagutzen al zenuen guzti hauetakoren bat? Erantzuna baiezkoa edo ezezkoa izan, Aranzadiren “Gure basoak” liburuari begiratu bat eman beharko zenioke. Espezie hauek guztiak eta beste horrenbeste biltzen baititu. Baliatu eguraldi ona paseatzeko eta hiztegia praktikatzeko, eta ikasi eskura dugunetik, naturatik, alegia.

Eta gogoratu euskara edo ingelesa ikasteari ekin nahi badiozu, tentazioarekin bat egin eta informazio gehiago eskatu inolako konpromisorik gabe.

Blogera itzuli

Elkarbanatu: